طريقة عمل الكنافة الطرية بالصور

طريقة عمل الكنافة الطرية بالصور طريقة عمل الكنافة الطرية بالصور طريقة عمل الكنافة الطرية بالصور طريقة عمل الكنافة الطرية بالصور 

المقادير

1/2 ك كنافة
1/4 ك زبدة سايحة
عجوة طرية أو رطب
مكسرات (بندق ولوز وعين جمل وسوداني وزبيب وجوزهند)

الشربات

2 كوب سكر
2 كوب ماء
باكو فانيليا
نصف ليمونة
نحط السكر مع الماء على النار ونحط معاهم الفانيليا ولما يغلو مع بعض نحط عصير نصف الليمونة ونسيبه يغلي تاني لحد مايعقد مع بعضه بعد كده نطفي النار ونسيبه يبرد بالتلاجة

الطريقة

أولاً نقسم الكنافة لقسمين بعد مانفرفرها بإدينا ونكون مسيحين الزبدة ونقسم الزبدة برضه في طبقين (اطباق غويطة) ونحط في كل طبق نصف الكنافة لحد مايشرب الزبدة كلها وبعد كده نعصر الكنافة من الزبدة في نفس الطبق لحد ما نضمن ان الكنافة شربت الزبدة، بعد كده نحط طبقة من الكنافة في الصينية بعد ماندهنها بالزبدة

بعد كده نجيب الرطب أو البلح العجوة ونسيحه في الزبدة على النار وبعدين نضيف ليه المكسرات وجوز الهند وممكن نحط طبقة من المكسرات بس مش لازم البلح ونفرد المكسرات على الكنافة ونضغط عليها كويس أوي

بعد كده نحط طبقة الكنافة اللي بالزبدة التانية

وبعدين بندخلها الفرن على درجة حرارة عالية لحد مالونها يحمر وبعد كده بنسقيها بالشربات البارد ونسيبها شوية لمده عشر دقائق بعد كده بنقلبها ونقطعها